Tuzilmaviy kabel tizimi (TKT) – bu raqamli, ovozli va video ma’lumotlarini uzatish, shuningdek boshqa telekommunikatsiya xizmatlarini ko’rsatish uchun mo’ljallangan mahalliy tarmoqning telekommunikatsiya infratuzilmasi.
Kabel tizimlari korxona va tashkilotlarning IT-infratuzilmasidagi barcha tarkibiy qismlari barpo etilgan «asos»dir. Binoning kabel tizimini to’g’ri tashkil etish aqlli tizimlarni yaratishning asosiy vazifalaridan biri bo’lib, kompaniyaning barcha xizmatlari va bo’linmalarining ishonchliligini belgilaydi. Shuning uchun bino kabel tizimini yaratishga huddi binoni o’zini qurish singari mas’uliyat bilan yondashuvni talab etadi. Shu bilan birga, ma’lumotlarni uzatish texnologiyalari, tarmoq va aloqa standartlaridagi o’zgarishlar birinchi navbatda, kabel tizimlariga ta’sir qiladi. Bu dizayn jarayoniga, kabel tizimini yaratish uchun tarkibiy qismlarni tanlash, qisqa vaqtdan keyin barcha past quvvatlanuvchi simlarni modernizatsiya qilish va hatto to’liq almashtirish zarurati tug’ilmasligi uchun moliyaviy rejalashtirishga qo’shimcha talablar qo’yadi.
